Total de 28 titulo de tierra agricultural el ya distribuji el Departamento de Medio Ambientes y Recursos Naturales (DENR) en colaboracion con el govierno provincial del Zamboanga del Sur y Registro de Escrituras (Registry of Deeds) del Martes na ciudad de Pagadian.
El distribucion del mga “Agricultural Patents” parte del celebracion del mes de “Handog Titulo” y 71 Dia del provincia del Zamboanga del Sur.
El ejecutivo director rehyonal del DENR Arturo Fadriquela y el Abogao Samrollah Dekire, el registro de escrituras, amo el ya encabesa con el distribucion del mga titulo con el mga qualificao beneficiaryos.
Na total de 28 titulo, ocho ya distribuji con mga residentes del municipio de Ramon Magsaysay, 15 na Mahayag, tres na Tukuan y dos na municipio de Aurora.
Si Fadriquela ya alaba con el mga beneficiaryos na su mensaje y ya apela canila para cuwida con el de ila tierra.
Ya expresa tamen esperansa si Fedriquela cay ay usa mga benefociaryos eficientemente con el tierra que ya dale canila. (B. Garcia) (Photo Courtesy of DENR-9)
