Ya iri el un fescador y nohay pasa nada com su uban na un incidente del tiroteo na mar del ciudad de Zamboanga, asegun con el pulisiya local del Miyercoles.
El Zamboanga City Police Station 10 (ZCPS10) ya nombra con el irido fescador como si Aziz Araji Bantala, 25, quien ya sufri irida de bala na tangcugu.
El uban de Bantala, si Alfie Mohammad Hajani, legal el edad, nohay pasa nada durante el incidente que ya ocuri mga ala 1:20 del Martes aga na mar del Barangay Labuan, en este ciudad.
Base na investigacion, muntao del dos fescador na un vinta con makina y ta fesca cuando ya tira canila el un desconosido armao persona muntao na un varco de un companiya de fesca de ciudad de Zamboanga.
Asegun con el ZCPS10 admitido si Bantala na Labuan General Hospital na ciudad de Zamboanga. (B. Garcia)