Dos “High-Value Targets (HVTs) suspechao el ya aresta y ya confisca mas de P1 millon cantidad de droga mga autoridad na un campaña contra droga ilegal na Zamboanga del Sur, asegun con el Philippine Drug Enforcement Agency (PDEA) del Jueves.
El oficina regional del PDEA ya habla con el mga arestao suspechao ya conose como si Arman Mustapha, un trabajante del construccion, y si Rose Gansad, un “Overseas Filipino Worker (OFW)”.
Asegun con el PDEA, con el dos suspechao ya aresta na un “buy-bust operation” mga alas 11:50 del Miercoles aga na Calle Dablo, Barangay Santiago, ciudad del Pagadian, Zamboanga del Sur.
El PDEA ya habla ya puede confisca na posesion del dos arestao suspechao tres paquetes de plastic que ta contene total de 150 gramos suspechao shabu que tiene el valor de P1,020,000, un celpon, dos balutan de “boodle money” que ya pone insima un verdadero P1,000 como markao sen.
Con el dos arestao suspechao ya detene en preparacion para el plantada del formal asunto por violacion del “Comprehensive Dangerous Drugs Act of 2002” contra canila.
(B. Garcia, photo courtesy of PDEA-9)
