El Buro de Aduana o Bureau of Customs (BOC) ya destrosa valor de P323.59 millon confiscao contrabando este dia de Jueves, Noviembre 30, aqui na ciudad de Zamboanga.
Con el mga contrabando ya destrosa na un bodega que ta arquila el BOC na Barangay Tetuan, en este ciudad.
Asegun con Engineer Arthur Sevilla, el colector del distrito del Puerto de Zamboanga, el mga contrabando que ya destrosa sila compuesto de 5,624 cajon y 1,171 “reams” de “smuggled” cigarillo.
Si Sevilla ya habla, con el mga cigarillo ya confisca na separao operaciones de patrulla maritima y “customs checkpoints” na Zamboanga Peninsula, y na mga provincias de Basilan, Sulu, y Tawi-Tawi desde’l mes de Mayo hasta Noviembre de este año.
Con el destrosada del mga cigarillo ya ase na presencia del mga oficiales y representantes del agencias de govierno que ya ayuda con el BOC na campaña contra mga epectos o contrabando.
Con el mga confiscao cigarillo, a ase una muja na agua el mga bombero, ya ase ipit y machaka usando pison y despues ya buta na “sanitary landfill” na Barangay Salaan, en este ciudad.
(News and photo courtesy by B. Garcia)