Ibilang ni Police Brigadier General Lou Frias Evangelista a dakkel a karit kenkuana ti panangidaulo na ti PNP iti Rehion ni Pres. Ferdinand ‘’Bongbong’’ Marcos Jr.
Kuna ni Evangelista nga addan pakpakauna a panagsaritada ken ni Police Colonel Julius Suriben iti Ilocos Norte Police Provincial Office seknan ti pannakaipaay ti full security iti probinsia nangnangruna no sumangpet ti First Family.
Saan nga mailibak kuna ni Evangelista nga adu latta dagiti VIP nga pumaspasiar ditoy Ilocos Norte gapu iti kinaadun dagiti napintas a buya iti lugar ti Presidente ken karaman met dagiti national gatherings dagiti nagduduma a government agencies.
Ni Evangelista ket nangiwayat ti umuna a command visit na iti INPPO.
(Rod Sadian)
(Source: INPPO)