Ya declara si Coronel John Mark Competente, el comandante del 1st Cavalry (Cav) Battalion del Armor Division, cay ta suporta le con el campaña del 11th Infantry Division (ID) y Joint Task Force (JTF)-Orion para tene paz y desarollo na provincia de Sulu.
Si Competente ya ase el declaracion durante su visitada del Martes na quartel del 11ID y JTF-Orion na Campo General Teodulfo Bautista na Jolo, Sulu.
Durante su visitada, si Competente ya informa con Brigadier General Alexei Musñgi, el diputado comandante del JTF Orion, aserca el actual iniciativos del 1Cav Battalion para acomplici el mision y esta firme na actuada del su mandao trabajo.
El mision del Armor Division na Sulu amo para orgniza, enseña, equipa, despelga, y sustene fuerza armadura para na conducida de operaciones de suporta paga gana con el paz na campaña del JTF_Orion.
Si Musñgi ya extende una calurosa bienvenida con Competente durante el visitada del oficial na quartel del JTF-Orion.
Ya extende si Musñgi su gratitud con Competente por el dalida del tiempo para visita y por el suporta ya dale el oficial con el JTF Orion.
(B. Garcia, photo courtesy of JTF-Orion)
