36 C
Manila
Wednesday, April 24, 2024

Zamboanga: Policia del Lanao del Sur ya recivi equipo y armas

- Advertisement -

El Police Regional Office-Bangsamoro Autonomous Region (PRO-BAR) ya distribui mga equipo y armas de fuego con el policia na Provincia del Lanao del Sur.

Si Brigadier General Allan Nobleza, el PRO-BAR Director, personalmente ya encabesa con el distribucion del mga equipo y armas de fuego del Martes na Camp Bagong Amai Pakpak na ciudad de Marawi.

Con el mga equipo y armas de fuego ya recivi el Gobernador Mamintal Alonto Adiong, Jr. durante el un simple ceremonia que ya conduci na Camp Bagong Amai Pakpak.

El mga equipo ya inclui 21 vehiculo, 94 rifles, 21,345 bala para de calibre .9-milimetros pistola, y 31 capote.

Si Adiong ya extende su profundo gratitud con el mando del policia nacional, por medio de Nobleza, por el na tiempo dalida del mga vehiculo, rifles, y mga bala que ay contribui mucho na mejorada del movimiento y capabilidad para responde ng mga incidentes y emergencias.

Ya jura tamen si Adiong cay ay continua le suporta con el policia na provincia del Lanao del Sur.

Igualmente, agradecido si Nobleza con el suporta del gobierno local y ya ase acorda con el mga recipientes jefe de policia para designa chufer oficial y presrva el mantencion del mga vehiculo para hinde de fronto deteriora.

Si Coronel Robert Daculan, el director del policia na Lanao del Sur, agradecido tamen con Nobleza y con el gobierno provincial y municipal por el de ila inquibrantable suporta que ya extende sila con el su mando.

Con el mga vehiculo y armas de fuego subsiquentamente ya dale con el mga estacion del policia del mga siguiente municipios: Amai Manabilang; Bacolod Kalawi; Binidayan; Buadipuso Buntong; Bubong; Calanogas; Kapai; Kapatagan; Lumbaca Unayan; Lumbatan; Lumbayanague; Maguing; Piagapo; Picong; Pualas; Poonabayabao; Sultan Dumalondong; Tagoloan; Taraka; Tubaran, y Tugaya.

(B. Garcia, photo courtesy of Lanao del Sur Police Provincial Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -