Iriga City—Walang basbas at wala ring kasunduan mula kay Vice President Leni Robredo ang paglilibot ni Attorney Joel Cadiz sa 3rd District ng Camarines Sur, ito ang ipinahayag ng pangalawang pangulo ng bansa sa pagharap nito sa mga miembro ng Media.
Ayon pa sa Pangalawang pangulo, kahit pa magpaalam si Cadiz sa kanya ay kanyang ii-endorso pa rin na kandidato bilang Congressman ay si incumbent 3rd district representative Gabby Bordado.
Hindi umano matatawaran ang naging kakayahan ni Congressman Bordado sa house of representatives dahil sa maraming mga panukalang batas ang naipasa sa mababang kapulungan ng Kongreso.
Ayon pa sa Pangalawang pangulo, kahit pa nasa partido Liberal si Attorney Joel Cadiz, hindi pweding mag-endorso ang partido ng dalawang kandidato.
Source: Office of the Vice President
