Trial court judges inatasang ibigay ang mga naitalang kaso na may kinalaman sa PCSO

Inatasan na ng Korte Suprema ang lahat ng trial court judges sa bansa na ibigay ang mga naitalang kaso na may kinalaman sa PCSO o Philippine Charity Sweepstakes Office.

Ayon kay Court Administrator Jose Midas Marquez, dapat isumite ang mga dokumento na naitala mula Enero 2017 hanggang sa kasalukuyan.

Aniya, ang naturang imbentaryo ay kakailanganin dahil sa alegasyon ng kurapsiyon sa nasabing ahensiya.

Kaugnay nito, ipinag-utos na rin ng DOJ o Dept. of Justice sa NBI na imbestigahan ang anomalya sa ahensiya.

Matatandaang, nitong Sabado laman, Hulyo 27 ng ipag-utos ni Pangulong Rodrigo Duterte ang pagpapatigil ng operasyon ng PCSO dahil sa umiiral na korapsiyon dito.