CAGAYAN DE ORO CITY- Usa ka kamanduan ang gipagula ni Misamis Oriental Governor Bambi Emano ngadto sa mga empleyado sa kapitolyo Probinsyal nga dili una mobiyahe paingon sa gawas sa nasud aron malikayan ang pagkatap sa 2019 coronavirus nga makasulod sa probinsya. Sa maong kamanduan, ang gobernador nagahangyo sa panabot sa mga empleyado nga kon dili mahinungdanon ang biyahe, pugngan una ang paglarga paingon sa gawas sa nasud. Apan kon gikinahanglan gayod ang pagbiyahe, ang empleyado mangayo sa clearance sa buhatan sa Provincial Health Office.
Alayon sa maong kamanduan, ang mga empleyado usab nga gikan sa gawas sa nasud ipailawom diretso sa 14 ka adlaw nga kwarantina diin kini mohimo sa pagleave of absence nga dunay sweldo.
Nasayran nga niadtong Biyernes, gipatawag ni Gov. Bambi ang mga dagko sa walo ka mga Provincial Hospital sa MisOr aron mapalapdan pa ug mapaaktibo ang Barangay Health and Response Team sa 425 ka mga barangay sa probinsya.
Subay usab niini, gimando nga ipa ipaubos sa thermal scanner ang mga turista nga mosulod ug mogawas sa airport ug pantalan sa probinsya ug kinahanglan nga i-kwarintina sa 14 ka adlaw.
