Tagpaklaro ni Atty. Manuelito Delani, City Legal Officer na sa mga molatas lamang sa Surigao City an hatagan nan transit pass inigsulod sa Border Control Point sa Lipata Ferry Terminal sanan PPA Base Port sa Bilang-Bilang. Kinahanglan i-surrender an transit pass sa checkpoint sa Brgy. Luna sulod lamang sa 30 minutos.
Bawal an mga sakyanan mohunong aron magpa-washing o mokaon sa carenderia. Gibutangan sa syudad nan traffic enforcer an kanto sa Maharlika Highway palugsong sa Sitio Panubigon, Lipata aron dili mosimang an mga sakyanan.
An syudad sa Surigao mipatuman isab sa Executive Order 21-029 ni Governor Francisco T. Matugas na bawal an face-to-face meeting, trainings sanan seminars gikan Agosto 11 hangtud Agosto 22, 2021.
Samtang sa border sa Alegria sanan Claver, an mga molabay sa Surigao del Norte gitagalan sa duha ka oras pag surrender sa “transit pass” sa exit point. (RPN DXKS Surigao)
Video link : https://www.facebook.com/RPNSurigao1080/videos/518319126066809