TRAFFIC ENFORCER ROMMEL BORJA TAGKILAYA SANAN TAGPREMYUHAN NAN KONSEHO TUNGOD SA MARAJAW NA TAGHIMO PAG-ULI SA MGA NABAGTAN NA BUTANG
Privilege Speech an tagpabati ni City Councilor Atty. Cacel Azarcon na nagsugilon sa istorya nan isa ka j.o. na traffic enforcer na matud pa 20 anyos na sa serbisyo si Rommel Borja.
Si Romel Borja bag-ohay pa isab na taghatagan nan pagkilaya sanan appreciation ni Mayor Ernesto U. Matugas Jr. tungod sa tagpakita na marajaw na hiyas sanan pagserbisyo nan did-on sa makaduha kahigayon na may ija nabagtan na mga butang na pareho may suyod na kuarta, an isa may isa ka gatus ka libo ka pesos sanan an ikaduha may 10 mil ka pesos, na pareho nija tag uli sa mga tag-ija.
Sa pamahayag ni Councilor Azarcon, angayan isab na sundan nan konseho an nahiunang aksion ni Mayor Matugas para kan Rommel Borja. Didto naaprubahan nan konseho an isa ka resolusyon naghatag komendasyon sa Traffic Enforcer, iban sa paghangyo kan Mayor Matugas sa posibilidad na mahatagan na sa regular na posisyon si Borja.
Nagkasabot isab an tanan sakop nan konseho sa pagpanguna ni Vice Mayor Ernesto Nitoy Matugas sa pagduhoy kan Mr. Borja nan pahalipay na cash gikan sa tagsatagsa ka kaugalingong bulsa na nukabat nan 14 mil ka pesos. (Jhino Parrucho, Ronda 10 RPN DXKS)
Link: https://www.facebook.com/RPNSurigao/videos/1538758282998176/
