PITO NAGPOSITIBO SA RAPID ANTI BODY TEST DINHI SA CIUDAD SURIGAO
Tagkumpirmar nan City Health Office sa pagpanguna ni Dr. Charito Arriba, Asst. City Health Officer iban sa ila Dr. Marijuzca Juzz Nicolas sanan Hazel Yuhayco, didto sa session nan Sangguniang Panlungsod kahapon na jaoy pito ka individual dinhi sa ciudad nan Surigao an nagpositibo sa Rapid Anti Body Test. Ini sila an nagpaabot kuman na matest sa RT-PCR para sa kumpirmasyon kun may infection ba gajod nan CoViD-19.
Hinuon tagsulti nila Dr. Nicolas sanan Ms. Yuhayco na jaon sa marajaw na kahimtang an inin pito na kasamtangan jaon sa strikto na pagkwarantina ug dugang pa kabahin ini sila sa mga bag-ohay pa lamang nanguli na mga Surigaonon. (Jhino Parrucho, Ronda 10 RPN DXKS)
Link: https://www.facebook.com/RPNSurigao/videos/264568971278003/