- Advertisement -
Natanggap na ng Pilipinas ang pitong toneladang personal protective equipments (PPEs) at iba pang medical supplies mula sa United Arab Emirates.
Ito ay bilang suporta ng UAE sa paglaban ng Pilipinas kontra sa coronavirus disease 2019 (COVID-19).
Personal namang iniabot nina ambassador Hamad Al-Zaabi at senior political officer Dr. Zakaira Hassan na mula sa Embahada ng UAE sa Maynila ang donasyong medical supplies kina Health Secretary Francisco Duque III, Foreign Affairs Secretary Teodoro Locsin, at National Plan Against COVID-19 chief implementer Secretary Carlito Galvez jr.
Nagpaabot naman ng pasasalamat ang mga kalihim sa iniabot na tulong ng UAE sa bansa.
- Advertisement -