Mapasalamaton ang lokal na pang gamhanan nan Barangay Taganito sa pag turn – over sa usa ka heavy duty six wheeler double cab fire truck og usa ka six wheeler man lifter gikan sa Taganito HPAL Nickel Corporation kun THPAL.
Kini ubos sa Social Development and Management Program sa maong kompanya. Ang turn over ceremony gipangunahan sa kapitan sa Barangay Taganito nga si Ruben D. Parpan inubanan sa iyang konseho.
Ang maong mga ekwipo pag gamiton panahon sa katalagman sulod sa barangay Taganito. Kini usab ang pagpakusog sa Barangay Disaster Risk Reduction and Management. Tumong usab niini ang pag tabang sa panginahanglanon sa kasikbit nga mga barangay sa Taganito og sa lungsod nan Claver.
Gipahayag usab ni Kapitan Parpan nga isip usa ka komunidad sa minihan, importante gajud nga adunay mga susama nga ekwipo aron sa pag pangandam panahon sa katalagman. Dugang sa iyang pahayag nga mag gamit pud ang maong fire truck panahon kung adunay “forest fire” tungod sa kainit sa panahon o climate change. Mapasalamaton siya sa THPAL sa pag tuman sa hangyo sa barangay nga dapat adunay susama na mga ekwipo para sa paspas nga pag responde panahon sa sunog og uban pang katalagman.
Ang pagdonar gihimo niadtong Pebrero 19, 2020.