Tuluyan nang sinibak sa serbisyo ng Philippine National Police (PNP) ang tatlong pulis na kabilang sa 13 ninja cops, na nagkasa ng ma-anomalyang anti-drug operation sa Pampanga noong 2013.
Kinilala ni PNP—OIC Police Lt. General Archie Gamboa ang mga nasabing pulis bilang sina Police Master Sgt. Donald Roque, Police Master Sgt. Rommel Vita at Police Corporal Romeo Encarnacion Guerrero Jr.
Ayon kay Gamboa, nabatid din na ang mga nasabing pulis ay sangkot din sa kuwestiyunableng drug operation sa Antipolo, Rizal nito lamang may 2019.
Paliwanag ni Gamboa, sa resolusyon na ipinalabas ng PNP Internal Affairs Service (IAS) nito lamang October 10 napatunayan na “guilty” at nagkaroon ng iregularidad sa nasabing drug operation.
Gayunman, tiniyak naman ni Gamboa na maaring i-apela ng mga ito ang ipinataw na dismissal order laban sa kanila.
So, para alam niyo lang kung ano ang degree of participation puntahan natin yung sa Antipolo, incidentally four of those with Mr. Kim were included in the charge dun sa Antipolo na administrative case. I received the folder last October 17, tapos pina-review ko kasi meron akong comment doon sa meted punishment kasi yung isa, yung opisyal was meted the dismissal, in the course of the investigation they have found out na yung degree of participation nung isang opisyal is far more than what he is charged of,” ani Gamboa.
