SUSPETSADO SA ILLEGAL LOGGING DIDTO SA GENERAL LUNA DAKPAN SA KAPULISAN
GENERAL LUNA, SDN- Dakpan sa gipahigayong checkpoint sa mga personahe sa General Luna Municipal Police Station ang suspetsado sa illegal logging didto sa National Road, Brgy. Consuelo, General Luna, Surigao del Norte human nga gisumbong sa usa ka concerned citizen niadtong Lunes, Hunyo 8 sa may mga alas 10:00 sa buntag.
Naila ang nadakpan nga mao si RITO GOLANDRINA CUÑADO, 38 anyos, minyo, driver ug lumulupyo sa Brgy. Maasin, Pilar, Surigao del Norte.
Gidakop ang suspetsado dihang napakyas kini pagpakita ug mga dokumento sa mga nagkalain-laing sukod sa ginabas nga mga kahoy’ng falcata karga sa blue nga Moto push Tri-wheel trike nga wala’y Plate No.
Mukabat sa P3,264.00 ang estimated volume sa kapin kun kulang 272 board feet nga gikatakdang iturn-over lakip ang sakyanan didto sa DENR Dapa Field Office samtang ang suspetsado ang gidala sa General Luna MPS. (Jun Prex Salubre, Ronda 6 RPN DXKS)