AKTONG NASAKPAN NGA NAGTARI-TARI ARESTADO SA GIHIMONG JOINT OPERATION SA MGA OTORIDAD
CLAVER, SDN- Arestado sa gihimong joint operation sa mga personahe sa Claver Municipal Police Station ang mga suspetsado nga aktong nasakpan nga nagtari-tari didto sa Purok 8, Brgy. Taganito, Claver, Surigao del Norte niadtong Lunes, Hunyo 8 sa may mga alas 3:00 sa kahapunon.
Naila ang mga naaresto nga mao sila ni JUANITO LEGASPI ARGENTE, 47 anyos, minyo, wala’y trabaho; ug JONEPER ABARCA ROSILLO, 43 anyos, minyo, fish vendor, mga lumulupyo sa nasampit nga lugar.
Narekober gikan sa possession ug control sa mga suspetsado ang duha (2) ka buhing fighting cocks; usa (1) ka dead cock; assorted tying paraphernalia; walo (8) ka gaff blades; tulo (3) ka gaff scabbards; ug cash nagkantidad P2,000.00 diin anaa na sa kustodiya sa Claver MPS lakip na ang mga suspetsado.
Kauban sa maong operasyon ang mga personahe sa 1302nd Mobile Force; RMFB 13 ug 2nd SDN-Provincial Mobile Force Company o PMFC. (Jun Prex Salubre, Ronda 6 RPN DXKS)
