SUSPECT CASE SA COVID-19 SA LORETO, DINAGAT ISLANDS NAMATAY
(UPDATE 18 JUNE 2020 Cebuano news, pls click never translate in your fb)
Nipanaw na kagabii, 18 June 2020, ang usa sa atong SUSPECT CASES (gikan sa Munisipyo sa Loreto). Niabot kana nga tawo sa probinsya niadtong 11 June 2020. Dali nga gi-refer siya sa Dinagat District Hospital niadtong 16 June 2020 tungod sa dehydration. Pagka 17 June 2020, gi-transfer siya sa Caraga Regional Hospital kung asa kana nga adlaw gikolekta iyang nasopharyngeal specimen.
Dili pa siya ma-consider nga confirmed case. Gilauman ang resulta sa iyang Reverse Transcription – Polymerase Chain Reaction (RT-PCR) assay nga ipagawas sunod semana gikan sa Southern Philippines Medical Center sa Davao City.
Nagpasalig kami nga ang giingon nga personahe naa sa tarong nga pagka-isolate sukad pag-abot hangtod pagdala sa mga giingon nga health facilities nga nagsunod sa among prevention protocols. Among ipagawas ang mga relevant nga impormasyon sa daling panahon.
Nagpahayag kami sa Provincial Inter-Agency Task Force sa among lawom na pahasubo sa pamilya sa pasyente ug mga minahal.
Sa makausa, gihangyo namo ang publiko nga dili magpagpakuyanap sa wala napamatud-i o sayop nga kasayuran. Dili kami mohatag sa bisan unsang mga hangyo alang sa pagpadayag sa personal nga kasayuran nga alang sa pagtahod sa namatay ug alang sa pagpanalipod sa privacy sa iyang pamilya.
Padayon nato nga gamiton ang mga protocol sa paglikay nga gipahimutang aron masiguro ang kahimsog ug kaluwasan sa atong komunidad. (Province of Dinagat Islands | RPN DXKS)
