Giduaw ni Dinagat Islands Vice Gov. Nilo Demerey Jr. si Jerome S. Sajonia, 29 anyos na membro sa Task Force Kapatid na taga Purok-Mangga, Paco 115, Kidapawan City, North Cotabato samtang kasamtangan nagpa-alim sa iyang injury sa St. Paul Surigao University Hospital ning dakbayan sa Surigao.
Ang maong personahe nahiagom sa nagkada-iayang bali sa parte sa iyahang lawas human natumba ang iyahang gi-ayo nga poste sa kuryente na adunay katas-on na dili mukulang sa 34.7 metros. Samtang ga-ayo sa maong line post kalit kining natumba ug dinhi nagkabali amg iyahang duha ka kamot ug sa iyahang tiil.
Ang aksidente nahitabo niadtong Enero 31, didto sa Valencia, Cagdianao, Probinsya sa Dinagat Islands. Dali s’yang gidala sa mga kaubanan niini sa hospital human sa maong aksidente.
Gi-duaw siya sa Bise Gobernador ug gisaligan na wala siyay bayaran bisan usa ka sentemo ug tubson ang tanang galastuhan tungod sa iyahang sakripisyo ngadto sa mga Dinagatnon.
Gi-saaran usab kini sa Congressman sa Probinsya na tabangan kay dili man lalim ang iyahang gidangatan human sa iyang tabang ngadto sa mga Dinagatnon.
Gikatakdang operahan si Jerome arong babagan ang mga nangabaling parte sa iyahang lawas. (Janrelh Edera, Ronda 22, RPN DXKS Surigao)
