Nagpabiling malig-on ang mga solar street lights sa Sison bisan paman sa kakusog sa hangin nga gidala sa Super Typhoon ‘Odette’. Kini maoy nagdala karun ug kahayag sa kadalanan sa lungsod sukad sa pagpalong sa kuryente niadtong Disyembre 17. Nakatabang usab ang mga solar street light sa nagpadayon nga power restoration nga gipahigayon sa SURNECO ug uban electric cooperatives nga kabahin sa Task Force Kapatid.
Ang solar street lights resulta sa pagkadaog sa LGU sa Seal of Good Local Governance (SGLG) diin gigamit sa LGU ang premyo sa pagpalit ug dili lamang malig-on apan usab sustainable ug environmental friendly nga mga street light.
Ang LGU, sa liderato ni Mayor Karissa R. Fetalvero-Paronia, usa ka consistent awardee sa SGLG diin giila kini nga ‘Hall of Famer’ tungod sa sunod-sunod niing pagkadaog sa maong nasudnong pag-ila sa mga maayong pamalakad sa gobyerno.
(Source: Sison on the Rise Facebook page)