Mitanyag ug Special Loan Re-structuring 2 Program, ang Pag-IBIG Fund Surigao alang sa mga myembro o housing borrowers diin ang mao nga programa mulungtad lamang sa Disyembre 31, ning tuiga.
Matud pa ni OIC-BRANCH HEAD GINA BUOT, nga kini usa ka liberal nga pamaagi aron matabangan ang mga myembro sa ilang obligasyon sa pagbayad nga naapektuhan sa pandemya.
Sumala pa, nga pinaagi sa re-structuring program, mawala ang tanang mga penalties nga mga balayrunon gikan sa housing loan.
Giklaro sa mao nga OIC, nga kini nga kahigayunan ang alang lamang sa mga borrowers nga ang account misubra na sa tulo (3) ka bulan ang arrears, ug wala nay labot ang mga borrowers kansang ang ilang mga propiedad nakansela na ug kadtong na-foreclose na nga mga account nga na-bid ug nadaog na sa third party. (Jun Prex Salubre, Ronda 6 RPN DXKS Surigao)