Mipahimangno si Kapitan sa Barangay Sabang, Evie Suarez Igbalic, sa mga residente nga magbinantayon ang mga ginikanan sa ilahang mga anak, kung mahimo likayan usa ang pagpatugot sa ilahang mga anak nga maligo sa dagat diin nakuha ang maong buwaya.
Si Kapt. Igbalic misay-say nga ang maong buwaya nakuha kahapon sa buntag didto mismo sa bungsod ni Cerilo Mergullas nga usa ka mangingisda sa maong lugar.
Dugang pa niya nga ang maong buwaya adunay katas-on nga usa ka dupa ug ilaha dayong gitawagan ang buhatan sa DENR arong sa pag turn over ngadto kanila.
Giawhagan niini ang katawhan nga dili gayud magkumpyansa kay anak lamang daw ang nasikop nga buwaya ug iyaha usab gihimog-atan nga basig naay pud ni inahan o mga igsuong buwaya ug nasalaag lamang kining hayupa sa maong lugar.
Si Kapt. Igbalik natingala kay sukad-sukad ang Barangay Sabang wala may nabantog nga dunay gibuhi o mga nakitang buwaya sukad pa sa daghan nang katuigan ang nanglabay. (Janrelh Edera)