Bakote sa mga tinogyanan sa balaod ang usa ka mag-uuma human kini masikop atol sa gipahigayon nga manhunt operation didto sa Barangay Lopoc sakop sa lungsod sa Labason, Zamboanga del Norte, karong bag-o pa lamang.
Ang suspetsado giila nga si Nilo Dacsaan, 40 anyos, ulitawo ug lumolopyo sa Barangay Bobongan sakop sa nahisgotang lungsod.
Basi sa nahipos nga police blotter gikan sa Labason Municipal Police Station (MPS), nasayran nga ang mga sakop sa Labason PNP, 2nd ZNPMFC ug 901st MC RMFB9 ninghimo sa usa ka joint intel driven operation batok sa suspetsado didto sa Barangay Lopoc, Labason Zamboanga del Norte dala ang warrant of arrest nga gilowatan ni Presiding Judge Anthony D. Isaw, Acting Presiding Judge, sa RTC 9th Judicial Region Branch 28, Liloy Zamboanga del Norte alang sa kasong frustrated homicide.
Ang suspetsado gitugtan nga makabotang ug piyansa sa korte nga mobalor ug ₱ 72,000.00 bugti sa iyang temporaryong kagawasan.
Sa kasamtangan ang dinakpan anaa na sa custodiya sa Labason MPS. (Rigin Rusiana)