Ni isyu nan warrant of arrest ang San Isidro MPS ug Burgos MPS batok sa duha ka wanted person nga giakusahan sa kasong arson ug attempted homicide atol sa managlahing operasyon.
Si Police Colonel Laudemer M Laude, niila sa mga akusado nga sila si Bebot M. Barsalote, 39 anyos, minyo, drayber, residente sa Sitio Pangi, Barangay Antipolo, lungsod sa Del Carmen ug si Florito Romano Virtudazo, aka “BAGOL,” ulitawo, residente sa Purok 6, lungsod sa Burgos.
Ang San Isidro Municipal Police Station nihimo og manhunt operation mga alas 2:10 sa hapon sa Purok 5, Barangay Sayak, lungsod sa Del Carmen, ug pinaagi sa warrant of arrest, nasikop si Barsalote tungod sa kasong arson ubos sa criminal case no. 23-239.
Ang Regional Trial Court, 10th Judicial Region, Branch 31, Lungsod sa Dapa, niisyu sa warrant ngadto sa akusado jadton Enero 5, 2024, nga may girekomendar nga piyansa sa kantidad P120,000.
Dungan niini, mga alas 5:20 sa hapon nasikop sa kapulisan sa Burgos si Virtudazo pinaagi sa warrant of arrest sa kasong attempted homicide ubos sa Criminal Case No. 2024-004.
Ang 11th Municipal Circuit Trial Court, 10th Judicial Region, Santa Monica-Burgos, Surigao del Norte, niisyu sa warrant of arrest sa akusado jadton Enero 26, 2024, nga may girekomendar nga piyansa sa kantidad P36,000.00.
Base sa Burgos MPS Crime Information Reporting and Analysis System, jadton Nobyembre 2, 2023, ang akusado giingong misuyod sa bayay nan biktima ubos sa impluwensya sa ilimnong makahubog ug giatake ang biktima gamit ang kutsilyo.
Ang mga dinakpan anaa na karon sa tagsa-tagsa ka mga police stations alang sa tukmang disposasyon.
(Ronda 21 Mark James Lisondra, photo courtesy by Surigao del Norte PPO)
