Wala nay kinabuhi og paingon na sa pagka dugta na napalgan ang usa ka lalaki na missing sa dul-an usa ka buwan.
Kagahapon sa udto, Enero 31, 2024, napalgan kini didto sa kalibunan, kilid sa dan sa Sitio Buongon, Barangay Malubog, siyudad sa Sugbo.
Ang biktima giila sa inahan na mao si Earl Lawrence Toray, 20 anyos ang panuigon, tinun-an sa Senior High School, taga Paradise Village, Barangay Banilad, dakbayan sa Mandaue.
Sa inbestigasyon katapusan nakit-an ang biktima niadto pang Enero 6, 2024 na hapit usa ka buwan kining gipangita na wala na niuli sa ilang balay.
Ang kapulisan mag susi pa sa mga CCTV sa mga lugar na giagian sa biktima aron makatabang sa ilang inbestigasyon ug pagsuta sa gikamatyan sa biktima.
(Renante Socia Lada, photo credits to the owner)