35 ka mga ginikanan nan child workers o laborers sa Surigao City an nakadawat nan livelihood assistance gikan sa Department of Labor and Employment (DOLE) Surigao del Norte.
Kagahapong adlawa, Enero 31, 2024, an DOLE sa pakig tambayayong nan Public Employment Service Office (PESO), nag distribute sa mga benepisyaryo sa City Cultural Center.
Isa ini ka programa nan DOLE na Integrated Livelihood Program (DILP- KABUHAYAN) Individual Projects para sa mga ginikanan nan mga Child Laborers o Workers.
17 ka benepisyaryo ang nakadawat nan napuyo ka sako nan Feeds for Hog Raising ug 18 sab ka benepisyaryo ang nakadawat ug napuyo ka sako para Rice Retailing.
Ang mga benepisyaryo gikan sa mga barangay nan Balibayaon, Lipata, Sabang, Quezon, Mabua, Cagniog, Taft, sanan Day-asan na niagi nan validation adton tuig 2022.
Mitambong si City Mayor Pablo Yves L. Dumlao II, DOLE Provincial Director May C. Velonta, sanan PESO Manager Arciazel L. Lagrama sa distribution.
Nagpasalamat si Mayor Dumlao sa wayay puas na suporta nan DOLE sa pagtabang sa mga child workers sanan sa ila pamilya.
Ang DOLE Integrated Livelihood Program o Kabuhayan Program usa ka grant assistance alang sa capacity-building sa livelihood alang sa mga kabus, huyang, ug marginalized nga mga trabahante.
(Ronda 21 Mark James Lisondra, photo courtesy by Surigao City PIO)