Patay ang 30-anyos na layaki human gitabangan pag dunggab sa mag igsoon nga nahitabo kagahapong adlawa sa Purok 1, Brgy. Mabua, Surigao City sa alas 8:15 nan duyom.
Nakilay.an an biktima nga si Gerem Castro Blanza, may live-in partner, residente sa P-1, Brgy. Mabua, Surigao City.
Nakilay.an ang suspek nga Freed Navarro Bawang, 18 anyos nga layaki, residente sa nahisgutang lugar.
Basi sa imbestigasyon ni PMSg. Jacknor G. Semeniano nasayran nga samtang nag baktas ang biktima sa dayan gisundan kini sa suspek ug didto gidunggab ang biktima sa likod nga bahin sa uyo ug isa ka samad dinunggaban sa dubdub gamit ang waya matino nga mahait na hinagiban.
Human sa krimen dali nisibat ang suspek sa waya masayri nga direksiyon. Tag daya pa ang biktima sa Caraga Regional Hospital apan gideklara kini dead on arrival pinaagi na sa attending physician.
Sa gihimong follow up sa RPN News Team ngadto na sa Duty Investigator nga si PMSg. Jacknor G. Semeniano kagahapong adlawa boluntaryong nisurender ang suspek kay Punong Barangay Alintino M. Elumba sa Brgy. Togbongon mga 12:30 sa hapon human kini nag tago-tago sa ija uyoan nga si Sandy Navarro ug gi.turn over sa Surigao City Police Station mga ala 1:00 sa hapon.
Kagahapon isab pormal ng napasakaan ug kasong homicide ang suspek nga gidawat sa City Prosecutor’s Office pinaagi ni Atty. Joan Francis Alas Esmero. (Mark James Lisondra)
