Nidanyos og P1.8 ang nahitabong sunog kagahapong adlawa Abril 7, 2024 didto sa Sitio Luray 1, Barangay Poblacion, siyudad sa Toledo.
Dili muminos sa 15 ka mga balay ang naigo sa maong sunog og niabot usab sa 29 ka mga pamilya ang apiktado niini.
Segon sa PIO sa dakbayan sa Toledo nga makadawat og tag P50,000 ang totally burned nga balay ug P30,000 ang partially.
Ang kabomberohan padayon pa nga nagsusi kung unsay hinungdan sa maong sunog.
Sa pagkakaron ang mga na biktima sa sunog padayong giatiman sa CSWDO ug kasamtangan usab silang gipahiluna sa M. Barba Complex. (Renante Lada)