Sinas nagpasalamat sa suporta mula kay Duterte; mga bashers, pinayuhang mag move on

Labis na pinasalamatan ni NCRPO chief Police Major General Debold Sinas si Pangulong Rodrigo Duterte dahil buo pa rin ang tiwala at kumpiyansa nito sa kanya.

Ito ay sakabila nang pagkakasangkot ni Sinas sa kontrobersiyal na mañanita sa gitna ng mahigpit na quarantine at health protocols.

Ayon kay Sinas, ikinatutuwa niya na nakikita ng pangulo ang kaniyang mga paghihirap at pagsisikap.

Aniya, tuloy lamang ang kaniyang trabaho at magandang mga gawain sa ilalim ng patnubay ni Pangulong Duterte.

Kaugnay nito, pinayuhan din ni Sinas ang kaniyang mga kritiko na mag-move on na lamang.