Nangbukel iti maysa a Task Force ti Ilocos Norte Police Provincial Office a bukbuklen dagiti kameng ti INPPO a mangmonitor iti implementasion ti Social distancing ken panagusar iti face mask.
Segun ken ni pilice Major Rely layug, pannakangiwat ti INPPO, dagitoy ket naiwaras iti puseg iti siudad ti Laoag ken ili a San Nicolas a pakasarakan kadagiti dakkel a malls.
Inbatadna analpasen ti panangpalagip da iti publiko kalpasan a naiget nga inbilin ni Ilocos Norte Gov. Matthew Marcos Manotoc iti panangsurot kadagiti naiyetnag a paglintegan manipud iti kangattuan a turay gapu paylaeng iti Covid-19
Inlawlawagna a naiget iti panagmonitor ken panangpatungpal kadagiti rumbeng a maiyemplementar tapno naan-anay a masurot dagiti pagganurutan iti babaen ti Modified General Commnunity Quarantine.
Kunana nga awan iti pakawanna dagiti mangiyaleng-aleng a panagusar iti facemask kas naisaguday iti Executive Order No. 6420 nga immunan nga inyetnag ni Gov. Matthew Marcos Manotoc.
Impasingkedna iti pannakangiwat ti Ilocos Norte Police Provincial Office a ti ar-aramidn dagiti uturidad ket kas panagtulnog laeng iti direktiba ti Gobernador ken ti gobierno nasional tapno mailiklik iti mabalin a pannakaapektar ti mapagbutbutngan a sakit a Covid-19.