Dipolog: 9 sikop sa Illegal Gambling

0
5
(Photo credits to the owner)

Usa ka operasyon batok sa ilegal nga sugal ang gipahigayon sa mga operatiba sa kapulisan,didto sa Purok Mauswagon, Barangay Galas, dakbayan sa Dipolog, niadtong Abril 30,2024.

Ang operasyon miresulta sa pagkasikop sa 9 ka mga suspek, 1 ka babaye ug 8 ka mga Lalaki,nga pulos residente sa Purok Mauswagon, Barangay Galas, Dipolog City, Zamboanga del Norte, kinsa nadakpan sa akto nga nagsugal nga usa ka paglapas sa PD 1602 ( BINGO).

Nagmalampuson ang pagkasikop sa maong mga suspek pinaagi sa mga personahe sa Intelligence Operatives ug Subpoena Warrant Personnel, ubos sa pagdumala ni PLTCOL EDWIN D VERZON, COP, .

Gilayon gidala sa Dipolog City Health Office ang mga nadakpan nga mga suspetsado para sa ilang medical examination.

Samtang ang mga nakumpiska nga nga mga butang gidala sa Dipolog City Police Station para sa nagakaigo nga disposisyon. (Medalyn U. Borja)

(Source: Dipolog CPS)

Leave a Reply