28.4 C
Manila
Sunday, April 21, 2024

Security Bank Foundation Modonar Ug School Building Alang Sa Dakbayan

- Advertisement -

Mitanyag karon ang Security Bank Foundation, Inc. (SBFI) ngadto sa dakbayan sa Dipolog, partikular na sa Barra Elementary School, nga mamahimong resipyente sa ilang progamang “Build a School, Build a Nation: The Classrooms Project.”

Sa gihimong virtual meeting niadtong nakalabayng adlaw tali na sa mga kadagkoan sa Security Bank Foundation, Inc. ug mga opisyales sa dakbayan sa Dipolog, DepEd Dipolog City Schools Division ug sa Barra Elementary School, gipahibalo sa SBFI nga approbado na sa ilang institusyon ang pagpatukod ug pagdonar sa usa ka “6-Classroom 2-Storey School Building” alang sa Barra Elementary School isip ilang tabang sa pagsolbad sa problema sa kakulangon sa mga classrooms ug pagpalambo sa kalidad sa edukasyon sa nasud.

Kahibaloan nga ang Security Bank Foundation, Inc. nagsugod sa ilang programa nga “Build a School, Build a Nation: The Classrooms Project” kaniadtong tuig 2011 ug mokabat na sa 545 ka mga proyekto ang nahuman hangtod sa tuig 2019. Sigun sa report sa SBFI, aduna na sila’y nahatag nga 310 classroom projects sa Luzon, 124 sa Visayas ug 111 sa Mindanao.

Dugang pa sa SBFI nga ilang napili ang Barra Elementary School nga mamahimong resipiyente sa ilang program tungod kay nakapasar kini sa ilang selection criteria nga mao ang (1) Aduna’y Security Bank branch sa probinsiya, (2) Aduna’y kasamtangang panginahanglanon ug dugang classrooms sa maong tulunghaan, ug (3) Aduna’y igong bakanteng luna sulod sa tulunghaan diin ipahutang ang school building nga pagatukuron.

Gila-uman sa SBFI nga mahikay gilayon sa dakbayan sa Dipolog ug sa DepEd City Schools Division ang mga gikinahanglang papeles aron mapadali ang implementasyon sa maong proyekto. Si Ms. Susana Perong, ang principal sa Barra Elementary School, ang mipabati usab sa iyang dakong pasalamat sa SBFI sa maong proyekto nga makatabang ug dako sa mga estudyante sa maong tulunghaan.

Ang virtual meeting nga napahigayon ang gitambongan mismo ni Mayor Darel Dexter T. Uy uban nila ni DepEd Schools Division Superintendent Virgilio Batan, Jr., City Engineer Susan Ualat, ug uban pa.
(Dipolog City LGU)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -