Compostela Valley Province-— Miabot na karon ang 150 ka mga Fiberglass ug Motorized nga mga Banca nga gihatag sa Comval ni Pang. Rodrigo Roa Duterte (PRRD) pinaagi sa Bureau of Fisheries and Aquatic Resources (BFAR) ilalom sa “Special Area for Agricultural Development (SAAD)”.
Matud ni PAGRO Chief Minda Agarano nga nakuban nila ni Assistant PAGRO Chief Ronald Sibayan ang mga dagkong opisyal sa BFAR pagtunol sa 150 ka mga Motorized ug Fiberglass nga mga Banca ngadto sa mga Fisherfolks sa Pantukan-50 units niadtong Septyembre 19,2018; sa Mabini-50 units niadtong Oktobre 1,2018; ug sa Maco naidtong Oktubre 8,2018.
Kauban sa 50 ka motorized nga mga Banca nga ilang gipanghatag sa Pantukan ang 50 Units Bottom Set Fill Nets, ang 50 units nga Hook and Line, 50 ka mga Life Vest, 50 units improvised lantern, 50 pcs rain coat, 50 pcs. Salakot, 50 pcs. Ice Box, ug 1,000 litro gasolina nga ilang gipanghatag sa mga Fisher folks nga libre.
Dugang ni PAGRO Chief Agarano nga mihatag sa kapin duha ka semanang PAGRO Accomplishment Report nga naglangkob sa gihimong pag-evaluate sa 37 ka mga eskwelahang “Gulayan sa Paaralan Nominees”, ang paghatud sa 1 unit nga Power Sprayer sa New Barili Upland Farmers Association, ang nagpadayong GEO Tagging sa Fusarium Wilt Eradicated Banana nga bayran sa probinsiya og P500.00 ang kada punoan, ang monitoring sa 7 ka mga Agri-infra nga padayon pang gipatrabaho sa probinsiya, ang pagtan-aw sa 3 ka tag P3 milyones nga mga Fish landing Center, ang turn-over sa 150 ka Fiberglass ug Motorized nga mga Banca, ug uban pa.
Una nang gisulti ni Gov. Tyron Uy panahon sa iyang “2nd State of the Province Address” ang 40 ka Motorized nga mga Banca nga nahatag sa probinsiya ngadto sa Comvaleño Fisherfolks ug ang nagsingabot nga paghatag sa laing 205 units nga gihatag sa Comval ni PRRD pinaagi sa BFAR ubos SAAD Program-150 units,ug sa PAMANA-55 Units.
