- Advertisement -
Kumpiyansa si Vice President Leni Robredo na papabor sa kaniya ang desisyon ng Supreme Court hinggil sa electoral protest ni dating senator Bongbong Marcos.
Ayon kay Atty. Barry Gutierrez, tagapagasalita ni Robredo, umaasa ang kanilang kampo na magiging patas ang Korte Suprema na siyang tumatayong Presidential Electoral Tribunal o PET sa electoral protest ni Marcos.
Kaugnay nito, sinabi rin ni Gutierrez na dapat ding isapubliko ng Korte Suprema ang official results sa manual counts mula sa tatlong pilot provinces na Camarines Sur, Iloilo at Negros Oriental.
Matatandaang muling ipinagpaliban ng Korte Suprema ang paglalabas ng desisyon hinggil sa nasabing electoral protest at ini-reset na lamang ito sa darating na Oktubre 15.
- Advertisement -