PROVINCIAL TASK FORCE AWAY COVID-19 MIPAKALMA SA PUBLIKO SA NAGPOSITIVE NGA LSI DIDTO SA HINDANG, LEYTE
(Cebuano news, pls.click Never Translate on your fb language)
Gipakalma sa Provincial Task Force Away CoViD-19 an publiko bahin sa gipagawas nga report sa Hindang, Leyte nga gikan sa Surigao ang ikapito nilang nag-positive sa virus nga 22 anyos nga locally stranded individual.
Sumala pa ni Atty. Zander Plaza, Provincial Administrator sa Surigao del Norte sa interview sa RPN DXKS nga gisubay na nila karon alang sa contact tracing ang usa ka baranggay sa Siargao nga didto gikan ang maong lalaki diin niadtong June 11, 2020 misakay ug fast craft sayo sa buntag paingon sa Surigao City dayon mipaingon sa Lipata sakay sa ferry boat padulong sa Southern Leyte. Sa wala pa kini makasakay sa ferry naka standby siya sa Lipata halos usa ka adlaw.
Apan sa pagsubay sa task force, miingon si Atty. Plaza nga nakasakay ang pasyente ug van gikan sa Davao pauli sa Manila didto na sa Southern Leyte. Kini maoy rason nga gidudahan nilang dili dinhi sa Surigao del Norte nakuha ang virus. Kinahanglan usab nga masusi ang plate number sa van nga iyang nasakyan ilabina nga gisulti sa pasyente nga napulo sila ang sakay niadtong higayona.
Sumala sa pahayag ni Governor Francisco Matugas, nagtrabaho sa usa ka restaurant sa Siargao kining maong lalaki ug may iyang kauban kini sa pagpauli sa Hindang, Leyte. Nahimong problema usab karon sa mga opisyales nga dunay mga pasahero nga dili motug-an sa tinuod ilabina ang lugar nga ilang adtuan ug magpatuo lamang nga nia magpuyo sa atong dapit. (RPN DXKS Exclusive Report)