DOH CARAGA NAGDEKLARAR NA UG LOCAL TRANSMISSION SA COVID-19 SA BUTUAN CITY
Tulo sa bag-ong nagpositibo sa Butuan City walay travel history sa laing mga lugar nga dunay kaso sa COVID-19 ug wala sab ma-exposed sa positive cases.
Kini maoy rason na tagdeklarar nan DOH Caraga na may local transmission na sa Butuan City.
Gianunsiyo kagabii ni Dr. Jose Llacuna Jr., DOH Caraga Regional Director na jaoy bag-ong 25 ka nagpositive sa latest RT-PCR result nga gipadala gikan sa Southern Philippines Medical Center. Napulo usab ka positive result sa follow up tests sa confirmed cases dinhi sa rehiyon. Sa announcement kabii, misaka na ngadto sa 57 an confirmed COVID-19 cases sa rehiyon.
Sumala ni Director Llacuna, ang bag-ong 25 ka kaso, 16 niini gikan sa Butuan City; 2 gikan sa Buenavista, Agusan del Norte; 2 sa Prosperidad, Agusan del Sur; 2 sa Bislig City, Surigao del Sur; usa sa San Francisco, Agusan del Sur; usa sa Lingig, Surigao del Sur ug usa imported case gikan sa Zamboanga del Sur nga anaa sa DOH Facility. (jc | RPN DXKS)