Presyo ng bangus, manok tumaas sa ilang pamilihan

Tumaas ang presyo ng bangus at manok sa ilang pamilihan.

Batay sa ulat, sa Tandang Sora Market sa Quezon City, pumalo na sa P190 ang kada kilo ng manok mula sa dating P160.

Mula naman sa dating P150 hanggang P170 ang kada kilo ng bangus, ngayon ay umaabot na sa P180 hanggang P200.

Paliwanag ng ilang mga nagtitinda, pahirapan ang suplay ngayon ng bangus.