Impakaammo ni Ms. Ronaly Bueno, Public Service Officer ti Invest Office iti kapitolio probinsial nga umad-adu dagiti investors nga interesado nga umay agpuunan ditoy Ilocos Norte.
Segun kenkuana, itay napan a bulan ti Agusto ket dua dagiti potiential investors iti personal nga immay bimmisita ken naki-innuman kadagiti maseknan pakairamanan ni Gob. Matthew Marcos Manotoc iti tarigagay da nga uma agnigosio ditoy probinsia.
Dagitoy ket iti biang ti responsible mining ken river dredging a nangbisitaan da iti padsan river.
Kunana a malaksid pay ti Renewable Energy nga agkalikagum nga umay mangipundar iti bukod na a puunan.
Impalgak na nga itay laeng kallabes, nagturong pay ditoy probinsia ti C and S Premier Steel Corporation, We Energy Power Pilipinas ken ti JC Baac Constrution Company.
Dinakamat na a tinurong ti C and S Primier Steel Corporation iti ili a Solsona ken Dingras idinto a binisita met ti We Energy Power Pilipinas dagii kukua a building ti gobierno probinsial kas iti kapitolio, dagiti district hospital iti Marcos, Dingras, Bangui ken iti Governor Roque Ablan Senior Memorial Hospital.
Innayon ti Public Service Officer ti Invest nga adu pay iti as-asistiran ti opisina da malaksid kadagiti dadduma pay a potiential inverstors ken dagiti aplikasion a nakasagana nga umay ditoy Ilocos Norte.
(OIC Rod G. Sadian, RPN DZRL Batac)
(Source: Provincial Government of Ilocos Norte/ Provincial Employment Service Office)