Cebu City- Giparada sa kadalanan sa dakbayan sa Lapulapu ang porlon nga adunay lungon aron paghadlok sa mga tawo nga manggawas sa ilang balay bisag walay importanteng katuyon.
Mabasa sa itom nga streamer nga da sa porlon ang pulong nga: “Stay at home aron dili ka masulod sa lungon.”
Hangtod gahapon, ang CHO o City Health Office mitala og 856 ka kaso sa
COVID-19 pero 505 na lang ang aktibo, 313 ang naulian ug 38 ang patay.
Samtang sa quarantine control checkpoints sa siyudad, makita ang lungon ilawom sa tolda diin adunay gisuwat nga “Namatay sa COVID kay wala mag-facemask.
Si Mayor Junard Chan, nga bag-o lang naayo sa virus, miingon nga mao kini ilang paagi pagtambag sa mga mulupyo sa pagpabilin sa balay ug sundon ang mga health protocols aron dili makatakod ang virus.
Atol sa pagparada sa lungon sakay sa porlon, gipadayag ni Chan nga ila ning gihimo aron ipatugbaw nga ang kaaway nga dili makita makamatay.
Alang niya, angayng magpakabana ang tanan batok sa pandemic.
Nangulo usab si Chan sa pag-apod-apod sa mga leaflets nga nagda sa global, nationwide, ug COVID-19 statistics aron pagpahibawo sa publiko unsa na kadelikado ang problema.