29.8 C
Manila
Thursday, March 28, 2024

DepEd Sarangani Padayong Nanawagan Nga Magpa-Enroll

- Advertisement -

Padayon ang pag-awhag ni Sarangani Schools Division Superintendent Gildo Mosqueda nga magpa-enroll na ang wala pa ka-enroll alang sa pag-abri sa klase karong Agosto 24. Extended ang enrolment hangtud Hulyo 15, ug walay gastuhan sa enrolment.

Sa talaan sa DepEd Sarangani niaging adlaw nga Byernes, niabot na sa 106,317 ka mga bata ang nagpa-enroll sa tibuok Sarangani Province ma-publiko ug pribadong elementarya ug sekondarya, lagpas na one hundred thousand kabuok ang naka-enroll.

Kasagaran sa nagpa-enroll gipili ang modular, gisundan sa blended ug ikatulo ang online learning. Aduna puy nipili sa radyo ug telebisyon. Nag-prepara na ang Sulong Karunungan program ni Governor Stevepito (7) ka mayor ug sila Vice Governor Elmer De Peralta, tanang board member ug sila Senador Manny ug Congressman Ruel Pacquiao.

Samtang, mag-abri napud karong Agosto 24, ang pinakaunang sports academy sa Region 12 alang sa mga interesadong estudyante sa high school, gitawag nga SaNSA kon Sarangani National Sports Academy. Aduna nay “go signal” ang DepEd Regional Office sa pamunuan ni Regional Director Allan Farnazo pinaagi sa paghatag og school name o school ID para sa maong pinasahi nga eskwelahan, ug kini ang aprobado sa DepEd National Office.

Otsyenta (80) kabuok lang ka mga kabataan ang pagadawaton sa SaNSA aron musulod sa duha (2) ka classroom ug matutukan ang tagsa-tagsa ka panginahanglan sa bata. Sa kasamtangan, sobra saysenta (60+) kabuok na ka mga estudyante ang nakapa-enroll. Hangtud pa sa Hulyo 15 ang enrolment sa Department of Education maong pwede pang makahabol.

Sa pagsugod sa karon nga school year sa Sarangani National Sports Academy gamit ang online ug offline learning experience, unang i-offer sa Sulong Atleta program ni Governor Solon ang athletics, combative sports ug swimming. Combative sports sama sa taekwondo ug arnis.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -