– Gipahigayon na ang Inquest proceedings pinaagi sa online ngadto sa pito ka mga indibidwal nga nalambigit sa Lumad “rescue” operation sa usa ka retreat house sa Barangay Talamban Syudad sa Sugbog, niadtong Pebrero 15, 2021.
Ang pito naglakip sa tulo ka lumad nga tinun-an, duha ka magtutudlo ug duha ka datu (elders) nanukad o gikustodiya sa Police Regional Office-7 (PRO-7) na inquest alas 11 sa buntag, Miyerkules, Pebrero 17, 2021.
Gipasaka sa Davao ang kasong human trafficking, child abuse ug kidnapping batok sa pito ka indibidwal nga nalambigit.
Ang pito ka mga respondents mao sila si Chad Errol Booc, Roshelle Mae C. Porcadilla, Benito Bay-ao, Segundo Milong, Jomar Benag, Esmelito Oribwana ug Moddie Mansimuy-at.
Si Prosecutor Grazielynne Corpuz maoy nagsilbing inquest prosecutor.
Ang mga respondents gi ubanan ni Atty Neil Relampagos sa depensa.
Sa ilang bahin ang National Union of People’s Lawyers mo duso ug manifestation alang sa preliminary investigation human ang ilang kliyente mipili nga i waive ang Art. 125 sa Revised Penal Code.
Matud pa sa prosecutor nga mohatag sila ug aktwal nga kopya sa complaints sa higayon nga makaduso na sila sa ilang manifestation.
Ang Police Regional Office-7 pinaagi ni Police Brigadier General Ronnie Montejo nagtoo nga lig-on ang ilang mga nakuhang ebidensya batok sa mga gipasanginlan. (Jhon Tadlip/JTY)
(Source/s: Police Regional Office-7 | National Union of People’s Lawyers, photo courtesy of Save Our Schools Network)