Radio Philippines Network
DZKI Iriga News Provincial News

RTC Sa CamSur, Nilooban; Mga Shabu Bilang Ebidensiya Sa Korte, Tinangay Ng Mga Suspek

Sinalakat kan dai pa mabistong mga parahabon an sarong RTC branch sa banwaan kan Pili, Camarines Sur.

Sigun sa nakuang informacion sarong empleyado an nakadiskobre kan pananalakat matapos na mahiling na mayo na an kandado sa mayor na pintuan kan opisina asin paglaog entero ng warak an mga gamit sinyales na may nakalaog na parahabon.

Kabali sa mga nawara iyo an nakatagong shabu na gamit bilang ebidensya sa magkapirang kaso na nakabinbin sa RTC branch 33.

Katakod kaini, ipinahayag ni PLt. Fatima Lanuza, parapahayag kan Pili-PNP na mahiwas na imbestigasyon an saindang ginigibo, kasabay kan pagtubod na pinagplano an nasabing krimen asin target an mga nakatagong ebidensya.

Sa ngunian inuktaba naman an gabos na transaksyon sa RTC branch mientras na dai pa tapos an imbestigasyon kan mga awtoridad. (Melvin Barayoga, RPN DZKI Iriga OIC)

Related posts

Tagum City’s Civic Sector In Full Support Towards Recovery

RPN

3 Suspects In Killing Of Manobo Leader Nabbed In North Cotabato

RPN

Groundbreaking Sa Bag-Ong Cebu International Container Port Nga Proyekto Gitakda Karong Agosto

RPN