Nagdawat na og mga aplikasyon ang buhatan sa Public Employmen Service Office kon PESO Gensan alang sa mga Overseas Filipino Workers o OFW nga nanguli sa syudad tungod sa COVID 19 Pandemic.
Gitawag ang programa nga Skills Training for OFWs nga namugna sa PESO-GENSAN kauban ang Technical Education and Skills Development Authority kon TESDA.
Ilalom sa programa tudluan ang mga OFW sa mga skills nga mamahimo nilang idungag sa ilang natun-an abroad og mamahimong panginabuhian samtang wala pa natapos ang pandemya o mamahimong negosyo og uban pa.
Alang sa mga OFW nga interesado, bisitahon lamang ang buhatan sa PESO nga anaa sa 4th floor sa Investment Building, dala ang mga kopya sa Birth Certificate og Passport, dayon magfill-up sa TESDA form.
Anaa matod pa sa 200 ka mga aplikante ang target sa programa hinungdan nga first come, first serve basis kini.
Itigayon matod pa sa General Santos City National Secondary School of Arts and Trades naman ang gitakdang programa nga maoy usa sa mga pasilidad nga gamit sa TESDA sa paghatag og mga skills training programs.
(Source: LGU-Gensan)
