Nilinaw ni Pangulong Rodrigo duterte na walang heneral mula sa Philippine National Police o PNP ang sangkot sa illegal drugs.
Ito ang binigyang diin ng pangulo sa kaniyang talumpati sa Davao City matapos ang kaniyang limang araw na state visit sa Russia.
Ayon sa pangulo, nagkamali lamang siya sa kaniyang unang ibinigay na pahayag, kung saan sinabi nitong mayroong dalawang heneral ang sangkot sa transaksyon ng iligal na droga.
Paliwanag ng pangulo, nalilito kasi siya sa ranggo ng mga pulis.
“Alam mo, I must admit my ignorance, actually. Yung ranggo kasi nung nauso yang supt-supt (superintendent) tapos kung ano ano… ngayon sa panahon ko sabi ko bumalik kayo doon sa police col., police major, police lieutenant, kasi pati lahat ng tao nalilito sa supt-supt na yan. Superintendent pala yan eh. Eh sa bisaya ang sup-sup is sucking. Ice drops. Eh walang generals doon….walang generals, I’m sure of that. Yung report na dumating sa akin, wala. Police Col, I think. Nalilito kasi ako diyan sa superintendent superintendent na yan. Kasi ang alam kong superintendent, yung superintendent ng eskwelahan,” ani Duterte.
Kaugnay nito, nanindigan naman si Pangulong Duterte na walang takas sa batas ang mga ‘ninja cops’ o ang mga pulis na nag-rerecycle ng illegal drugs.
Aniya, hinihintay na lamang niyang matapos ang imbestigasyon ng Senado at ang magiging rekumendasyon ni Department of Interior and Local Government o DILG Sec. Eduardo Año sa naturang isyu para ma-aksyunan na niya sa lalong madaling panahon.
“Procedurally ganito yan, I cannot adapt the investigation of Congress as the work of the executive department. Kailangan ko na i-review yan tapos kung tama lahat, eh di i-a-adapt ko but then, there must be a process. It has to undergo the procedural due process. Ang opisina ko (Office of the President), dalawa hanggang 3 tao lang. Ang Office of the President functions to the Cabinet members. Yung PNP, is under secretary anew of the DILG. He has to conduct the investigation, give the proper importance of the work of Congress in the matter of the investigation regarding ‘ninja cops’ then he must report to me now and what to do on his recommendation,” ani Duterte.
