Pangilinan isinusulong na ma-amyendahan ang isang batas para sa mga senior citizens

Isinusulong ni Senator Francis Pangilinan na amyendahan ang kasalukuyang Republic Act 9994 o ang Expanded Senior Citizens Act of 2010.

Ito’y upang mabigyan ng 1,000 pesos kada buwan ang mga senior citizen na walang pensyon.

Ayon kay Pangilinan, hindi na sapat ang 500 pesos na buwanang allowance ng mga senior citizen lalo na sa mga gastos para sa gamot dahil tumataas ang presyo ng mga pangunahing bilihin.

Bagamat nasa 3 milyong mahihirap na lolo’t lola ang nakikinabang sa Expanded Senior Citizens Act, marami pa ring matatanda ang hindi lubusang natutulungan ng nasabing batas.