- Advertisement -
Sinimulan na ng Department of the Interior and Local Government (DILG) ang pagrerebisa sa kaso ng ninja cops at pagkakadawit ni PNP Chief Police General Oscar Albayalde sa naturang isyu.
Ito ang kinumpirma ni Interior Secretary Eduardo Ano, matapos ang isinagawang pagdinig ng senate blue ribbon and justice committees sa anomalya sa New Bilibid Prison (NBP) at sa ninja cops na sangkot sa drug recycling.
Ginagalang naman ng DILG ang pantay na imbestigasyon ng Senado kaugnay sa mga alegasyon laban kay Albayalde at inaantabayanan nalang anila ang resulta nito.
- Advertisement -
