Davao de Oro – Gipangunahan mismo ni Gov. Jayvee Tyron Uy ang opisyal nga pagsugod sa pagpanghatag og libreng Measles-Rubella (MR) Vaccine ngadto sa kapin 70,000 ka mga bata sa Davao de Oro, ug iyang nakauban nga nanguna sa Ceremonial Kick-off si PHO Chief Dr. Antonio Ybiernas Jr..
Molungtad sa usa ka bulan ang libreng Measles-Rubella Immunization (Oktubre 26- Nobyembre 25,2020) nga apil sa mga mahinungdanong component sa National Immunization Program (NIP) nga gipakusog sa Davao de Oro ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior BM Arturo “Chiongkee” Uy.
Potentially Deadly kon makamatay ang Measles (Tigdas) labi na sa mga kabataan kon dili mabantayan matud ni PHO Assistant Chief Dr. Mary Cyrel G. Pasaol diin sa 2018 lang naa sa kapin 140,000 ang mga nangamatay niining sakita sumala sa record nga gipagula sa World Health Organization (WHO).
Bisan gamay lang ang nag positibo niining sakita sa Davao de Oro apan ang probinsya naneguro uban sa dakong tabang sa Department of Health ug sa onse ka mga munisipyo nga maprotektahan gyod ang kinabuhi sa mga katawhan batok niini pinaagi sa paghatag ug hugot nga suporta sa M-R Supplemental Immunization sa DOH. (Gilbert M Cabahug, PAO-ID DDO, photo courtesy of PHO Davao de Oro)
