Pagbuo ng bagong VFA, walang plano ang Malacañang

Nanindigan ang Malacañang na wala talagang plano ang pamahalaan na bumuo ng bagong Visiting Forces Agreement (VFA) sa pagitan ng Pilipinas at ng ibang bansa.

Ito ang binigyang diin ni Presidential Spokesman Salvador Panelo matapos na ibasura ng bansa ang VFA sa pagitan ng Pilipinas at ng Estados Unidos.

Sinabi ni Panelo, Hindi Interesado Si Pang. Duterte na buhayin ang anumang military agreement sa anumang bansa maging sa China.

Sa ngayon, prayoridad lamang aniya ni Pang. Duterte ang pagpapalakas sa puwersa militar ng Pilipinas.