Zamboanga del Sur – Nagmalampuson ang unang adlaw sa 3 days National Vaccination nga gipahigayon sa Zamboanga del Sur Medical Center karong adlaw nga lunes, kon asa ubay-ubay na ang mga kabatan-onan, edaran og hamtong ang gusto nang mabakunahan. Matud pa sa pipila ka mga indibidwal atol sa pakighinabi sa Provincial Press Bureau nga wala sila mahadlok sa pagbakuna tungod usa kini nga makatabang kanila aron maluwas sa Covid-19.
Dugang pa nga kon sa una adunay kahadlok nga ilang gibati tungod sa mga tabi nga mamatay o madaot kon ang usa ka indibidwal mabakunahan, apan gipamatud-an kini sa ZDSMC og sa Probinsya Zamboanga del Sur pina-agi ni Governor Victor J. Yu og sa kapikas niini nga si Deputy Speaker- Congresswoman Divina Grace Yu nga walay kamatuoran ang maong pasangil.
Hisayran nga usa matud pang naka dasig sa ila aron nga magpabakuna, tungod aron dili na hasol kon mulakaw o mu byahe, dili na lisod para kanila ang manarbaho ingon man dili na dilikado para kanila ang mugawas sa ilang tagsa-tagsa ka tugkaran.
(News & photos courtesy of ZDS-PRESS BUREAU)